ஒலி

ஒலி 

ஓசை வந்ததும்
வார்த்தை வந்ததா?
வார்த்தை வந்ததால்
ஓசை வந்ததா?

பொருள்:
ஓசை எழுத்துக்களை வழங்கியது. எண்ணங்கள், எழுத்துக்களை தனதாக்கிக்கொண்டு, வார்த்தைகளால் மொழியானது. ஓசையே உலகை உயிர்ப்பிக்கும் பொது மொழி.

ஆதிபகவன் வழங்கிய பிரணவம் பிரபஞ்சத்தின்  மொழியானது.

ஓம் 

திருக்குறள்

திருக்குறள் 

மின்னலில் மையெடுத்து
தமிழில் எழுத்தெடுத்து
வந்ததிந்த மந்திரம்

பொருள்:
இறையருள் தந்த மாபெரும் வெகுமதி, நாம் இம்மண்ணில் மனிதப்பிறவி பெற்றது. நம்மோடு பல்லுயிர்களையம் படைத்து அவைகளுக்கும் வாழ்விடமாக இறைவன்  பூமியை அளித்தார்.

ஆறறிவு படைத்த மனிதனின் தலையாய கடமை, இறைவன் அளித்ததை அனைத்து உயிர்களுக்கும் பொதுவில் வைத்து, இயற்கையோடு இணைந்து வாழ்வது.

பகுத்துண்டு பல்லுயி ரோம்புதல் நூலோர்
தொகுத்தவற்று ளெல்லாந் தலை
                                                         - திருக்குறள் 

அனைத்து உயிர்களுக்கும் இயற்கையோடிணைந்த தற்சார்ந்த, இனம் சார்ந்த வாழ்வாதாரத்தை மனிதன் உறுதி செய்ய வேண்டும். அவைகளின் வாழ்விடத்தை கவர்வது, ஊறு செய்வது போன்றவற்றை  நிறுத்துவதோடல்லாமல், அவைகளுக்கு இடர் நேரும்போதெல்லாம் முன்னின்று உதவ வேண்டும்.
[இதை நான் சொல்லவில்லை. நம்ம தெய்வப்புலவர் சொன்னதின் பொருளாக நான் விளங்கிக்கொண்டது]

                           --------------*-------------

உட்பொருள்:                                                கோபம்

பொருள்:                                                        சமுதாய நல்லிணக்கம்

நிகழ்வு:                                                           மதம் சார்ந்த தீவிரவாதம்

ஆய்வு:                                                             அமைதி, நல்லிணக்கம்

உணர்வு:                                                         ஐம்புலன்கள்



'உயிர்களிடத்தில்  அன்பு வேண்டும்; தெய்வம் உண்டென்று தானுணர்தல் வேணடும்' - பாரதியார்.

குறள் 373:

நுண்ணிய நூல்பல கற்பினும் மற்றுந்தன்
உண்மை யறிவே மிகும்

குறள் 1062:

இரந்தும் உயிர்வாழ்தல் வேண்டின் பரந்து
கெடுக உலகியற்றி யான்

குறள் 1071:

மக்களே போல்வர் கயவர் அவரன்ன
ஒப்பாரி யாங்கண்ட தில்

குறள் 6:

பொறிவாயில் ஐந்தவித்தான் பொய்தீர் ஒழுக்க
நெறிநின்றார் நீடுவாழ் வார்

குறள் 25:

ஐந்தவித்தான் ஆற்றல் அகல்விசும்பு ளார்கோமான்
இந்திரனே சாலுங் கரி

குறள் 34:

மனத்துக்கண் மாசிலன் ஆதல் அனைத்தறன்
ஆகுல நீர பிற

குறள் 50:

வையத்துள் வாழ்வாங்கு வாழ்பவன் வான்உறையும்
தெய்வத்துள் வைக்கப் படும்

குறள் 56:

தற்காத்துத் தற்கொண்டாற் பேணித் தகைசான்ற
சொற்காத்துச் சோர்விலாள் பெண்

குறள் 72:

அன்பிலார் எல்லாம் தமக்குரியர் அன்புடையார்
என்பும் உரியர் பிறர்க்கு

குறள் 77:

என்பி லதனை வெயில்போலக் காயுமே
அன்பி லதனை அறம்

குறள் 80:

அன்பின் வழிய துயிர்நிலை அஃதிலார்க்கு
என்புதோல் போர்த்த உடம்பு

குறள் 90:

மோப்பக் குழையும் அனிச்சம் முகந்திரிந்து
நோக்கக் குழையும் விருந்து

குறள் 100:

இனிய உளவாக இன்னாத கூறல்
கனிஇருப்பக் காய்கவர்ந் தற்று

குறள் 102:

காலத்தி னாற்செய்த நன்றி சிறிதெனினும்
ஞாலத்தின் மாணப் பெரிது

குறள் 107:

எழுமை எழுபிறப்பும் உள்ளுவர் தங்கண்
விழுமந் துடைத்தவர் நட்பு

குறள் 126:

ஒருமையுள் ஆமைபோல் ஐந்தடக்கல் ஆற்றின்
எழுமையும் ஏமாப் புடைத்து

குறள் 140:

உலகத்தோ டொட்ட ஒழுகல் பலகற்றுங்
கல்லா ரறிவிலா தார்

தெளிவான சிந்தனை ஓட்டம். எண்ணங்களை வென்றெடுத்து, கவலையை வேரறுக்க  அருமையான சூத்திரம்.

அம்மா

அம்மா 

மண்ணுலகை வெறுப்பாரும்
விண்ணுலகை மறுப்பாரும்
மறப்பாரோ அம்மாவை

பொருள்: 
பிறக்குமுன்னர், உயிரமுதம் பருகுமுன்னர், இறையருள் கற்றுத்தந்த  மந்திரச்சொல் அம்மா.

ஈன்ற பொழுதினும் பெரிதுவப்பாள் தன்  மழலை 'அம்மா' என்றழைக்க கேட்கும் அம்மா.

அம்மாவை, 'அம்மா' என்றழைப்போம்; 'அம்மா' என்றழைக்க கேட்போம்.

வீற்றிருந்தாளன்னைவீதிதனிலிருந்தாள்
நேற்றிருந்தாளின்றுவெந்துநீறானாள் - பாற்றெளிக்க
வெல்லீரும்வாருங்களேதென்றிரங்காமல்
எல்லாஞ் சிவமயமே யாம்.
                                                                        -பட்டினத்தார் 

என் அம்மாவின் முதலாமாண்டு நினைவு தினம்: 17 04 2019

ஆனந்தம்

ஆனந்தம் 

எல்லையற்ற 

ஆனந்தம் 

எல்லைகளற்றது 

பொருள்:

பரம்பொருளுடன் ஆனந்த நிலையில் இருந்த உயிர், மண்ணில் பிறக்கும்பொழுது ஆனந்தத்தையே  எல்லைக்கோடாக கொண்டிருக்கிறது.

ஆனால், குழந்தை நிலையில் இருக்கும் ஆனந்தம், வளர வளர அகம்-புறம் என்னும் தாக்கத்தினால் ஆனந்தம் என்ற நிலையையே மறந்து போகிறது.

ஆணவம், கன்மம், மாயை அக எல்லையாகவும், கடமை, சமுதாயம், ஒழுக்கம் புற எல்லையாகவும் அமைந்து உயிரின் ஆனந்த நிலையை மறைத்து விடுகிறது.

ஞானிகளாக தங்களை அடையாளப்படுத்துபவர்கள், தங்கள் பெயரில் மட்டுமே, ஆனந்தத்தை வைத்திருக்கிறார்கள்.

தமிழ்

தமிழ் 

தமிழும்
அவனும்
ஓரினம்


பொருள்:
அகரம் முதலான தமிழ் எழுத்துக்களெல்லாம் உலகில் ஆதி பகவானுடனே தோன்றி உள்ளது. ஆதி பகவான் தான் படைத்த  தமிழின் அருமையை உலகிற்கு தெரிவிக்குமாறு தன்னை பணித்தான் என்று திருமூலர் கூறுகின்றார்.

என்னை  நன்றாக      இறைவன்       படைத்தனன்
தன்னை  நன்றாகத்  தமிழ்செய்யு  மாறே
                                                                               -திருமூலர்

ஒளி

ஒளி 

நிலையற்ற
ஒளி
நிறையற்றது

பொருள்:
காற்றுக்கு நிறை உண்டு. நாம் பயணிக்கும் வாகனங்களில் காற்றை அடைத்து கொள்வதே சிறந்த உதாரணம்.

ஒளிக்கு, ஒளி அணு எனப்படும் photon, நிறை உள்ளதா இல்லையா என்பது கேள்விக்குறி இந்நாள்வரைக்கும். ஒளியை அடைத்து பயன்படுத்தும்  வழி அறியோம்.

ஆனால், அணுவுக்குள் அத்தனை ஒளியை யார் அடைத்து வைத்தது?

ஒளியை அறியில் உருவும் ஒளியும்
ஒளியும் உருவம் அறியில் உருவாம்
ஒளியின் உருவம் அறியில் ஒளியே
ஒளியும் உருக உடனிருந் தானே. 

திருமந்திரம் 

மாயை

மாயை 

உதிப்பதும்
மறைவதும்
மாயை

பொருள்: 

காலையில் உதயமாகும் சூரியன் மாலையில்  மறைவது இயற்கை. உண்மையில், சூரியன் தன் நிலைத்த நிலையில் எந்த  மாற்றமும் அடையாமல், பூமி வாழ் உயிரினங்களுக்கு இந்த தோற்றத்தை வழங்கிக்கொண்டிருக்கிறது. பூமியின் சுழற்சியே இந்த மாயத்தோற்றத்தை உருவாக்குகின்றது,

இதுவே உயிரினங்களுக்கும் பொருந்தும். பிறப்பின் முன்னும், இறப்பின் பின்னும், உயிரின் அமைப்பில் எந்த மாற்றமும் பெறாமல், உயிர்  நிலைத்த இறைநிலையில்  உறைந்திருக்கும். இடைப்பட்ட வாழ்க்கை என்பது, மாயையால் நம்மை அலைக்கழிக்கும் காலம்.

'விந்தையே தான்' - திருமந்திரம் விளக்கம் பற்றிய வீடியோ ஒன்று பார்க்க நேர்ந்தது. எண்ணும், எழுத்தும் செய்த விந்தையை, தமிழைக்கொண்டு அளந்திருப்பதை கண்டு, நம் ரத்தத்தில் அது ஊறி இருப்பதை அறிந்து வியந்து போனேன்.

ஆரம்பம் - 'அம்மா'. உச்சரித்துப்பாருங்கள். பிரணவ மந்திரத்தின் ஆரம்பமும் அதுதான், நாம் எல்லோரும் அதுதான். அதிசயம் தமிழ்!

ஒன்று

ஒன்று 

ஒன்றினின்று
ஒன்றைக்கழித்தபின்
ஒன்றொன்றொன்றுமில்லை

பொருள்: 

உடல் என்ற ஒன்றிலிருந்து இருந்து வாயு வெளியேறி விட்டால்,
உடலும், வாயுவும் வெவ்வேறாகி, நிலை மாறி
ஒன்றுமில்லா  நிலைக்கு சென்றுவிடும்.


ஒன்றி நின்று
ஒன்றைக்கூடினில்
ஒன்றொன்றினெல்லை

உடல் வாயுவுடன் ஒன்றி நின்று, சமமான நிலையில்
இருந்தால், அதுவே உடல் ஆரோக்கிய வாழ்வின்
எல்லையாக அமையும்.

இட்ட தவ்வீ டிளகா திரேசித்துப்
புட்டிப் படத்தச நாடியும் பூரித்துக்
கொட்டிப் பிராணன் அபானனுங் கும்பித்து
நட்டம் இருக்க நமனில்லை தானே.

திருமந்திரம் 

காற்று

காற்று

காற்று வாங்கப்போனேன்
ஒரு கவிதை
வாங்கி வந்தேன்

உன்னத வாயுக்கள் அல்லது மந்த வாயுக்கள் 

சுவாசிக்கும் காற்றில் உள்ள தனிமங்களை வகைப்படுத்தினால் அதில் உன்னத வாயுக்கள் அல்லது மந்த வாயுக்கள்  [Noble Gases or Inert Gases] என்றழைக்கப்படும் ஏழு தனிமங்களை கொண்ட  ஒரு குழு உண்டு. இந்த வாயுக்கள் முழுமை பெற்ற அணு அமைப்பை உடையதால் எந்த இரசாயன மாற்றங்களுக்கு உட்படாது, தன்னிலை மாறாமல் இருக்கும். நாம் சுவாசிக்கும்போது, நம் உடலில் பல நன்மைகளை செய்யும் தன்மை இந்த உன்னத வாயுக்களுக்கு உண்டு.

https://www.ncbi.nlm.nih.gov/pmc/articles/PMC4386981/

- இது அறிவியல் சொல்வது.

உடலின் வாயுக்கள்

நாம் சுவாசிக்கும் காற்றில் பிராணன், அபானன், வியானன், உதானன், சமானன் என்று ஐந்து வாயுக்களுடன் நாகன், கூர்மன், கிருகரன், தேவதத்தன் , தனஞ்செயன் என்ற ஐந்து வாயுக்களும் சேர்ந்து தச வாயுக்கள் எனப்படும் பத்து வாயுக்கள் உள்ளன. இவைகளே ஞானேந்திரியங்கள் எனப்படும் கண், காது, மூக்கு, வாய், மெய் இயங்குவதற்கும், கர்மேந்திரியங்கள் எனப்படும் கால், கை, வாய், கருவாய், எருவாய் இயங்குவதற்கும் தேவையான வாயுக்களாக அமைகின்றன.

உள்ளே, வெளியேவென சென்று பரவி நிற்கும்  மூச்சுக்காற்றானது உடலின் அனைத்து அங்கங்களின் இயக்கத்திற்கும் காரணியாக அமைகிறது. சீருடன் பிராணாயாமப் பயிற்சி செய்து தேவையான வாயுக்களை உள்ளே நிறுத்தப்பழகினால், உடல் உறுப்புகள் நல்ல தேஜஸ் பெறும். தலை முடி கருத்திருக்கும். உடலின் உள்ளே ஜீவனாய் அமர்ந்திருக்கும் இறைவன் உடலை விட்டு நீங்கமாட்டான்.

திருமந்திரம்-568 

புறப்பட்டுப் புக்குத் திரிகின்ற வாயுவை
நெறிப்பட வுள்ளே நின்மல மாக்கில்
உறுப்புச் சிவக்கும் உரோமங் கறுக்கும்
புறப்பட்டுப் போகான் புரிசடை யோனே       

அலைகள்

அலைகள் 

காற்றினில் கலந்துள
வானலை 'அவன்'
உயிரினுலுறைந்த மனவலை

பொருள்

தொலைக்காட்சி அல்லது வானொலி அலைவரிசையை சரியாக அமைப்பதன் மூலம் காற்றில் வரும் அலைகளை காட்சிகளாகவும், ஒலிகளாகவும் அறியலாம்.

ஆகாறு [பொறாமை], அவா [பேராசை], வெகுளி [வெகுண்டெழுதல்], இன்னாச்சொல் [பிறரை வேதனைப்படுத்தும் சொற்கள்] போன்றவற்றை நீக்கி மனவலைகளை சரியான நிலையில் வைத்தால், உன்  உயிரினில் வாழ்பவர் யார் என்று தெரிந்து கொள்ளலாம்.

சூரியன்

சூரியன் 

இரவுமில்லை
சூரியனுக்கு
உறக்கமுமில்லை

பொருள்:
பன்னிரண்டு மணி நேரத்தில் மாறி மாறி வரும் இரவு-பகலில், நிமிடத்திற்கு குறைந்தது பன்னிரண்டு முறை சுவாசிக்கும் காற்றின் உயிர் நிலை அறிந்து கொண்டால் இரவும் பகலும் ஒன்றுதான். விழிப்பும் உறக்கமும் ஒன்றுதான்.

திருமந்திரம்-577 

பன்னிரண் டானைக்குப்  பகல்இர வுள்ளது
பன்னிரண் டானையைப் பாகன் அறிகிலன்
பன்னிரண் டானையைப் பாகன் அறிந்தபின்
பன்னிரண் டானைக்குப் பகல்இர வில்லையே

நாம் சுவாசிக்கும் மூச்சுக்காற்று பன்னிரண்டு அங்குலம் உள்ளே சென்று திரும்புகிறது. 

பகல் என்பது வலது நாசி வழியாக, அதாவது சூரிய நாடி வழியாக சுவாசிப்பது. இரவு என்பது 

இடது நாசி வழியாக , அதாவது சந்திர நாடி வழியாக சுவாசிப்பது. இதை காற்றை சுவாசிக்கும் 

நாம் அறிந்திருக்கவில்லை. சுவாசிக்கும் காற்றின் செயலை அறிந்து, காற்றை அக்னி நாடியான 

சுழுமுனை நாடி வழியாக செலுத்த வல்லவர்களுக்கு, சுவாசத்தில் எந்த மாற்றமும் இல்லாமல் புருவ நெற்றியில் 

இருக்கும் சுழுமுனையில் இறைநிலையில் கலந்துவிடும். 

தெளிவு

தெளிவு  

பேரின்பம்
ஒளிரும் 'குரு'
அரவணைத்தால்


பொருள்: 
அறிவு நிலை மிஞ்சிய நடப்புகளை நம்மால் உணர்ந்து கொள்ள முடியாது. நல்ல உறுதுணை இருந்தால் மட்டுமே 'அவன்' உறையும்  பாதை அறிந்து கொண்டு பேரின்ப நிலை அடையலாம். குரு ஒருவரே நம்மை வழி நடத்த வல்லவர்.

திருமந்திரம்-139

தெளிவு குருவின் திருமேனி காண்டல்
தெளிவு குருவின் திருநாமஞ் செப்பல்
தெளிவு குருவின் திருவார்த்தை கேட்டல்
தெளிவு குருவுரு சிந்தித்தல் தானே.
    

                                                  

நம் அறிவு நிலையில் தெளிவு பிறக்க வேண்டுமானால் முதலில் நமக்கு வீடு பேரடைய  நல் வழி காட்டக்கூடிய குரு தேவை.

நல்லதொரு குரு கிடைத்த பின்னர், அவருடைய திருமேனியை தினம் தோறும் தரிசிக்க வேண்டும். அவருடைய பெயரை மந்திரமாய் உச்சரிக்க வேண்டும். அவருடைய அருளுரைகளை கேட்க வேண்டும். எப்பொழுதும் அவருடைய திரு உருவத்தை சிந்தித்திருத்தல் வேண்டும்.

*** *** ***

இரசவாதம்

இரசவாதம் 

இறை நிலை
விவாதம்
இரசவாதம்

இரசவாதம் செய்யும் ஆற்றல் இருந்தால் செம்பை பொன்னாக்கலாம்; இறவா நிலை பெறலாம் என்ற ஆராய்ச்சி நீண்ட காலம் இருந்திருக்கிறது. சித்தர்களுக்கு இரசவாதம் சாத்தியமே என்று படித்திருக்கிறோம்.

திருமந்திரம்-2054

பரிசன வேதி பரிசித்தது எல்லாம்
வரிசைதரும் பொன் வகை ஆகுமா போல்
குரு பரிசித்த குவலயம் எல்லாம்
திரிமலம் தீர்ந்து சிவகதி ஆமே.

இரசவாதம் தொட்டதெல்லாம் போன். குரு தொட்டவரெல்லாம், ஆணவம், கன்மம், மாயை என்னும் மும்மலங்கள் நீங்கி சிவனடி சேர்வார்கள்.

அணுப்பிளவு, அணுத்தரிப்பு நிகழ்வுகளில் ஒரு தனிமம் வேறு வேறு  தனிமங்களாக மாறுவதை அறிந்திருக்கிறோம். எடுத்துக்காட்டாக, யுரேனியம்-235  தனிமம் அணுப்பிளவின் போது பேரியம்-141 மற்றும் க்ரிப்டன்-92  தனிமங்களாக மாறுகிறது. ஆயினும் செம்பை பொன்னாக்கும் கலை அறிவியலில் இன்னும் அறியப்படவில்லை.

தனிமத்தின் உட்பொருளாம், பேராற்றலின் கருவே  இறை நிலை. இந்த பரம அணுவும் இன்னும் முழுமையாக அறியப்படவில்லை. 

*** *** ***

காலம்

காலம்

யுகங்கள் தொடர்ந்து சுழன்று கொண்டிருக்கும் என்ற கருத்தை தொடர்ந்து செல்வதுதான்  என்னுடைய நோக்கம். [நட்புக்கரம் நீட்டுபவர்களுக்கு என் வரவேற்பை தெரிவித்துக்கொள்கிறேன்.]

4 யுகங்கள் 

1. சத்ய அல்லது கிருதா
2. திரேதா
3. துவாபர
4. கலி

ஒவ்வொரு யுகமும் வாழ்நாள் கொண்டவை. இவை தேவ ஆண்டுகளில் கணக்கிடப்படுகிறது.

360 மனித ஆண்டுகள் = 1 தேவ ஆண்டு

புரிதலுக்காக: ராமாயணம், திரேதா யுகத்தில் கடந்து சென்றது. மகா பாரதம் துவாபர யுகத்தின் இறுதியில் முடிந்து விட்டது. கண்ணனின் மறைவில், 18 02 3102 [BC], நாம் வாழ்ந்து கொண்டிருக்கும், கலி யுகம் பிறக்கிறது.

துவாபர யுகம் - 2400 தேவ ஆண்டுகள். அதாவது, 864,000 மனித ஆண்டுகள்.

அதாவது, ராமாயணத்துக்கும் மகா பாரதத்துக்கும் இடையில் தோராயமாக 864,000 மனித ஆண்டுகள் உள்ளது.

ராமாயணம் 7323 [BC] காலகட்டமெனவும், குருக்ஷேத்திர போர் 3137 [BC] நடந்ததெனவும் நாம் படித்துக்கொண்டிருக்கிறோம், மனித ஆண்டு கணக்கீடுகளில்.

யாராவது விளக்க முடியுமா?

Omnipresence:

https://physics-astronomyblog.blogspot.com/2019/01/a-new-theory-on-time-indicates-present.html?fbclid=IwAR0GnuU06Zd5t8nvKthwv5kR5otCk1g2vOC_LON9yfyt6zQVFilZglsfYak

Time Reversal:

https://physics-astronomyblog.blogspot.com/2019/03/breaking-scientists-have-reversed-time.html

https://physics-astronomyblog.blogspot.com/2019/03/physicists-send-particles-of-light-into.html