எனக்குள் இருவன்

எனக்குள் இருவன்  

இப்போ 

இல்லாட்டி 

எப்போ?

காணொளி:

https://www.youtube.com/watch?v=GB5f6Kdtxo0

'கொஞ்ச அடங்கி, சிவனேன்னு உக்காருங்க போதும்'

காசி, ஹரித்வார் யாத்திரை போகணும், இப்ப இல்லாட்டி எப்பன்னு கேட்ட, வேலையிலிருந்து  ஓய்வு பெற்று, சற்று உடல் நலக்குறைவாய் இருந்த  தந்தையை  அடக்கினாள்  பூஜா.

மனதிற்குள் ஒரே புகைச்சல். கண்ணுக்கு புலப்படாத, இலக்கற்ற  எதிரிகளை துரத்தி துரத்தியே வாழ்க்கை முடிந்து விட்டிருந்தது சம்பத்திற்கு. இயல்பாக  துளிர்விட்டு வளர்ந்து நிற்கும் இறை நம்பிக்கை, தெய்வ வழிபாட்டு புத்தகங்களை, ஓய்வு நாட்களில்  படிக்கலாம் என்றால் ஒரே ஒரு பாட்டின் பொருள் கூட புரியவில்லை. தமிழகத்தில் பிறந்து, கற்று, வாழ்வின் இறுதி அங்கத்தில், ஓய்வின் முதல் அத்தியாயமே விளங்கவில்லை.

'சார், எல்லாம் தமிழ் பாடல் புத்தகங்கள்தான். விளக்கவுரையுடன் மிக சில புத்தகங்களே கிடைக்கும்' - விஜயா  பதிப்பகம் விற்பனைப்பெண் சொன்னாள், சம்பத்தின், 'தமிழ் இலக்கிய  பாடல் புத்தகங்கள் விளக்கவுரையுடன் கிடைக்குமா?' என்ற கேள்விக்கு.

வேலைக்கு சேர்ந்த நாட்களில் ஆரம்பித்திருக்க வேண்டும்; தமிழில் உள்ள நல்ல புத்தகங்களை தேடி சேர்த்திருக்க வேண்டும், அப்பொழுது கேட்டிருக்க வேண்டும், இப்போ இல்லாட்டி எப்ப? என்று. 

அள்ள அள்ளக் குறையாத அமிர்தப் பொக்கிஷங்கள், நம் சித்தர்கள் நமக்கு அருளிச்  சென்றுள்ள ஞான விளக்குகள். வாழ் நாட்களில் கொஞ்சம் கொஞ்சமாக அந்த ஞான ஒளியை நம்முள் ஏற்றிருந்தால், ஓய்வு நாட்களில் இறை சிந்தனையே நம்மை மோக்ஷ நிலைக்கு கொண்டு சென்று விடும்.

நான் என்று எண்ணி இருப்பது எனக்குள் இருக்கும் ஜீவாத்மா மற்றும் பரமாத்மா. நம்முடலில் வெப்பமாக, விந்துவாக  ஜீவாத்மாவும்; வாயுவாக, நாதமாக  பரமாத்மாவும்  உடலுக்குள்  ஆதாரமாய் வீற்றிருக்கிறார்கள்.

தானென்ற சூக்ஷமடா விந்து நாதம்

தனை அறிந்து நாதமுடன் விந்து சேர்ந்து

கோவனன்ற குருவருளால் அங்குதித்து

கொண்டெழுந்த மடபதியை என்ன சொல்வேன்

ஊனென்ற மடபதிக்கு உறுதியான

உண்மையுள்ள அக்கினி யும் வாய்வுங் கூடி

தேனென்ற ஜீவாத்மா பரமாத்மாவாய்ச்

சென்றிருந்து ஆதாரம் ஆனார்பாரே.

                                                        - சௌமிய சாகரம் 23

 

அந்த நாதத்திற்கும், விந்துவிற்கும் ஆதி முதலானவன் நம் தமிழ் கடவுள் முருகன். வேதங்களிலுள்ள மந்திரத்தின் வடிவானவன் முருக வேள். 

நாத விந்துக லாதீ நமோநம 

வேத மந்த்ரசொ ரூபா நமோநம 

ஞானபண்டித சாமீ  நமோநம.. வெகு கோடி

                                                                      - திருப்புகழ் 170

இதனையே திருமூலர், சூரிய வெப்பத்தில் கடல் நீரில் உள்ள உப்பு வெளி வருவதும், அதே நீரில் கரைந்த ஒன்றாவது போல், ஜீவாத்மா பரமாத்மவுக்குள் அடங்கி,  இருமையும் ஒருமையாக  உடலுக்குள்  இருக்கிறது  என்கிறார்.

அப்பினில் கூர்மை ஆதித்தன் வெம்மையால் 

உப்பெனப் பேர்பெற்று உருச்செய்த அவ்வுரு 

அப்பினில் கூடியது ஒன்றாகு மாறுபோல்

செப்பினில் சீவன் சிவத்துள் அடங்குமே.

                                                                  - திருமந்திரம் 136

தமிழ் கடவுள்

தமிழ் கடவுள் 

உள்ளம் உருகுதையா 

முருகா 

உன்னடி காண்கையிலே 

காணொளி:

உள்ளம் உருகுதய்யா..

https://www.youtube.com/watch?v=AcZXOaoM_Kg

சொல்ல சொல்ல இனிக்குதடா முருகா..

https://www.youtube.com/watch?v=hk1phz3sOwo

'இது அதர்மம்'  -  குருக்ஷேத்திர தர்ம யுத்தத்தில், யாராலும் எளிதில் பிளக்க இயலாத எதிரியின்  சக்கர வியூகத்தை உடைத்து உள் நுழைந்து,  எதிரிகளை தன் போர்த்திறனால் துவம்சம் செய்து கொண்டிருந்த தன்னை, நாலா புறமும் இருந்து யுத்த தர்மத்தை மீறி தாக்கும் கௌரவப்  படையினரை நோக்கி கர்ஜித்தான் அபிமன்யு.

கலியுக அபிமன்யுக்கள் இன்றும் கதறிக்கொண்டிருக்கிறார்கள், 'இது அதர்மம்' என்று.

 இவர்களின் ஒரே ஆயுதம் கடவுள். 

இல்லையென்று ஒரு சாரார் அடுத்தவருக்கு புத்தி சொல்ல எடுத்துக்கொண்ட ஆயுதம், கவச  அவமதிப்பு.

இருக்கிறதென்று கூறுவோர்கள் எடுத்துக்கொண்ட 

ஆயுதமோ சிலைக்கு காவி பூச்சு. இடையில் மறக்கடிக்கப்படுவது என்னவோ  பெருந்தொற்றின் 

மனிதகுலத்தின் பேரழிவு.

சொந்தமாக கற்றுணர்ந்து அறிவு பெற பொறுமையில்லாத இவர்கள் அடுத்தவர் உண்ட  எச்சில் இலையில்  இருந்த உணவின் சுவையை விவாதித்துக்கொண்டிருக்கிறார்கள்.

இதை அஹங்காரம் என்று சொல்கிறார் அகத்தியர். மனித உடலினின்று இயங்கும் முப்பத்தாறு பிரதம தத்துவங்களில் புத்தி நிலையும் ஒன்று. இது நான்கு தத்துவங்களாக விரிந்து, மனம், புத்தி, அஹங்காரம்  மற்றும் சித்தி என்று நிலை கொள்கிறது.

மனம் ஓரளவிற்கு கல்வி, கேள்வியில் தேர்ச்சி பெற்றதும், 

அடுத்த நிலையான அகங்காரத்தை பற்றி கொள்கிறது.

கேளப்பா புலத்தியமா ரிஷியேஐயா

கிருபையுள்ள கரணம் அந்தக்கரணந் தன்னை

கோளடா  இல்லாத மனம் தானொன்று

கூர்மையுடன் நின்றிலங்கும் புத்தி ஒன்று

தேரடா ஆங்காரம் ஆனதொன்று

சிவ சிவா சுத்த மென்ற சித்தமொன்று

ஆளடா கரணமென்ற கரணம் நான்கும்

அப்பனே அறிந்துகொண்டு வாற்றுமம் பாரே.

                                              -  அகத்தியரின் சௌமிய சாகரம்  32

நான்காம் நிலையான சித்தியை அடையும் வழியை நம் முன்னோர்கள் விட்டு சென்றதை, இவ்வகை போராட்டங்களினால் அநியாயமாக இழப்பதோடல்லாமல் அடுத்த தலைமுறையினரையும் தெம்பிழக்க செய்கிறோம்.

திருமூலர் வெகு நிறைவாக இதை தெளிவாக்குகிறார்.

கற்ற பசுக்கள் கதறித் திரியினும் 

கொற்ற பசுக்கள் குறிகட்டி மேயினும் 

முற்ற பசுக்கள் ஒருகுடம் பால்போதும்  

மற்றைப் பசுக்கள் வரள் பசுதானே.

                                                   - திருமந்திரம் 2015

ஒரு பக்கம் வேதம், மந்திரங்கள், பல்வகை சமய சடங்குளை கற்றவர்கள் எவ்வளவுதான் கற்றதை மட்டும் கத்திக்  கதறினாலும்,  இன்னொரு பக்கம் கும்பலாக கூட்டம் கூடி எதிர்ப்பு ஒன்றையே குறிக்கோளாக கொண்டு முட்டி மோதினாலும், முற்றும் உணர்ந்து சித்தி நிலை அடைந்தவர்கள் வழங்கும்  இறையருளே  போதுமானது. ஏனையோர்கள் எல்லாம் சமுதாயத்திற்கு உருப்படியாக ஏதும் வழங்க முடியாத வறட்டு மாடுகளே!

முருகனின் பேரருள் கந்த சஷ்டி கவசமே,  இன்றைய 

பெருந்தொற்றுக்கு கவசம். தன்னை இழிவுபடுத்த எடுத்துக்கொண்ட ஆயுதம் கொண்டே இன்று தமிழகம் முழுவதும் உயிர்பெற்று முழங்க வைத்த முருகனின்  கவசத்தை நீங்களும் ஒருமுறை  வீட்டில் ஒலிக்க விட்டு கேட்டு பாருங்கள்:

https://www.youtube.com/watch?v=L808gzHTdYo